STAATSKOERANT, 1 Junie 2021
No. 44651 19
Wet No. 19 van 2020
Wet op Kubermisdade, 2020
19
(3) By die toepassing van hierdie artikel beteken ‘‘wagwoord, toegangskode of
soortgelyke data of toestel’’ ook—
(a) ’n geheime kode of pin;
(b) ’n beeld;
5
(c) ’n sekuriteitsbewys;
(d) ’n toegangskaart;
(e) enige toestel;
(f) biometriese data; of
(g) ’n woord of ’n string karakters of nommers,
gebruik vir finansiële transaksies of gebruikeroutentisering ten einde data, ’n 10
rekenaarprogram, ’n rekenaardatabergingsmedium of ’n rekenaarstelsel te gebruik.
Kuberbedrog
8. Enige persoon wat wederregtelik en met die opset om te bedrieg, ’n
wanvoorstelling maak—
15
(a) deur middel van data of ’n rekenaarprogram; of
(b) deur enige inmenging met data of ’n rekenaarprogram soos beoog in artikel
5(2)(a), (b) of (e) of inmenging met ’n rekenaardatabergingsmedium of ’n
rekenaarstelsel soos beoog in artikel 6(2)(a),
wat werklike of potensiële benadeling vir iemand anders veroorsaak, is skuldig aan die
20
misdryf van kuberbedrog.
Kubervervalsing en -uitgifte
9. (1) Enige persoon wat wederregtelik en met die opset om te bedrieg—
(a) vals data; of
(b) ’n vals rekenaarprogram,
maak tot die werklike of potensiële benadeling van ’n ander persoon, is skuldig aan die 25
misdryf van kubervervalsing.
(2) Enige persoon wat wederregtelik en met die opset om te bedrieg—
(a) vals data; of
(b) ’n vals rekenaarprogram,
uitgee, tot die werklike of potensiële benadeling van ’n ander persoon, is skuldig aan die 30
misdryf van kuberuitgifte.
Kuberafpersing
10. Enige persoon wat wederregtelik en opsetlik ’n misdryf beoog in artikel 3(1),
5(1), 6(1) of 7(1)(a) of (d) pleeg of dreig om sodanige misdryf te pleeg, met die doel
om—
35
(a) enige voordeel van iemand anders te verkry; of
(b) iemand anders te dwing om enige handeling te verrig of nie te verrig nie,
is skuldig aan die misdryf van kuberafpersing.
Verswarende misdrywe
11. (1) (a) Enige persoon wat ’n misdryf pleeg bedoel in—
40
(i) artikel 3(1), 5(1) of 6(1), ten opsigte van; of
(ii) artikel 7(1), vir sover die wagwoorde, toegangskodes of soortgelyke data en
toestelle verband hou met,
’n beperkte rekenaarstelsel en wat weet of redelikerwys moes geweet het of vermoed het
dat dit ’n beperkte rekenaarstelsel is, is skuldig aan ’n verswarende misdryf.
45
(b) By die toepassing van paragraaf (a), beteken ’n ‘‘beperkte rekenaarstelsel’’
enige data, rekenaarprogram, rekenaardatabergingsmedium of rekenaarstelsel—
(i) onder die beheer van, of uitsluitlik gebruik deur—
(aa) ’n finansiële instelling; of
(bb) ’n staatsorgaan soos uiteengesit in artikel 239 van die Grondwet, met 50
inbegrip van ’n hof; en
(ii) wat deur sekuriteitsmaatreëls teen ongemagtigde toegang of gebruik beskerm
word.
This gazette is also available free online at www.gpwonline.co.za
Select target paragraph3
Connect to a paragraph
Connect to an entity
Disable highlights
Add to table of contents