Fletorja Zyrtare
eksperiencës dhe rezultateve në punë, si dhe të
aftësisë për të trajnuar dhe operuar në ambiente
pune multinacionale.
Situatat e ndryshme që shkaktohen nga
fenomene të diktuara nga situatat e sigurisë në
vendet tjera, mund të diktojnë nevojën e vendosjes
së oficerëve ndërlidhës. Shembulli i qartë është
situata e imigracionit të parregullt të shtetasve të
vendeve të treta drejt kufijve tanë, por edhe
imigracioni i parregullt i shtetasve shqiptar në
vendet tjera. Në këto kushte, duhet të merren masa
për identifikimin e kandidatëve të mundshëm për
oficerë ndërlidhës të migracionit, të cilët do të
shërbejnë si ura lidhëse ndërmjet shërbimeve të
policisë kufitare dhe migracionit të vendeve të tjera
me ato shqiptare, të cilët do të kontribuojnë në
shkëmbimin e informacionit në fushën e
migracionit dhe do të lehtësojnë procedurat e
kthimit. Po kështu, do të punohet për nënshkrimin
e marrëveshjeve dypalëshe të ripranimit me këto
shtete.
Ndryshimi situatës në kufijtë e vendeve të tjera,
qoftë ato fqinje por edhe të vendeve të Bashkimit
Evropian, mund të diktojë nevojën e pjesëmarrjes
në operacione në nivel bilateral, por edhe të
koordinuara nga Agjencia Evropiane e Rojës
Kufitare dhe Bregdetare (FRONTEX). Shqipëria
ka kontribuar dhe vijon të kontribuojë në
operacione të tilla. Pjesëmarrja në këto operacione
do të vijojë dhe njëkohësisht do të zgjerohet numri
i pjesëmarrësve të mundshëm në këto operacione.
Për shkëmbimin e informacionit midis agjencive
ligjzbatuese dhe ndërmjet të gjitha vendeve anëtare
të CEFTA-s do të implementohet platforma
SEED+, e cila do të mundësojë shkëmbimin e
informacioneve paraprake, jo vetëm ndërmjet
autoriteteve doganore, por edhe autoriteteve të
tjera që veprojnë në kufi.
Ky objektiv synohet të arrihet nëpërmjet
përmbushjes së masave të mëposhtme:
Masa 1: Nënshkrimi i Marrëveshjes për ngritjen
e Qendrës së Bashkëpunimit Policor dhe Doganor
me Greqinë, në Kakavijë dhe vënia në funksionim
e kësaj Qendre;
Masa 2: Ndërtimi dhe vënia në funksion e
pikës së përbashkët të kalimit kufitar Zogaj;
Masa 3: Vënia në funksion e Pikës së
Përbashkët të Kalimit Kufitar me Malin e Zi, në
Grabom;
Faqe|1412
Viti 2021 – Numri 7
Masa 4: Forcimi i bashkëpunimit me Agjencinë
Evropiane të Rojës Kufitare dhe Bregdetare,
FRONTEX, nëpërmjet së cilës synohet rritja e
nivelit të përgjegjësisë të shërbimeve në kufi për
respektimin e të drejtave të njeriut në përputhje me
konventat përkatëse, marrja e masave dhe zhvillimi
i operacioneve të përbashkëta me FRONTEX për
parandalimin dhe bllokimin e migracionit të
paligjshëm nëpërmjet kufijve shtetërorë;
Masa 5: Vendosja e bashkëpunimit operacional
midis QKK Tiranë dhe Qendrave të Përbashkëta
për Bashkëpunimin në Plavë, Vërmicë (Morinë)
dhe Qafë Thanë, nëpërmjet së cilës synohet forcimi
i bashkëpunimit ndërkufitar me vendet fqinje në
zbatim të Marrëveshjeve e Protokolleve për
shkëmbimin e informacionit me policinë kufitare të
vendeve fqinje;
Masa 6: Forcimi i bashkëpunimit ndërkufitar
me vendet fqinje në zbatim të Marrëveshjeve e
Protokolleve për patrullimet e përbashkëta kufitare
me policinë kufitare të vendeve fqinje, nëpërmjet së
cilës synohet rritja e numrit të patrullimeve dhe
operacioneve të përbashkëta;
Masa 7: Përmirësimi i sistemit, që mundëson
shkëmbimin e informacioneve paraprake me
administratat doganore të vendeve anëtare të
CEFTA-s dhe ndërmjet agjencive që operojnë në
kufi nëpërmjet implementimit të platformës
SEED+.
1.6 Objektivi specifik 6, i qëllimit të
politikës 1: Përmirësimi i sistemit të ripranimit
(kthimit dhe pranimit) të shtetasve të huaj dhe
vendas në përputhje me marrëveshjet e lidhura dhe
në bashkëpunim me misionet diplomatike dhe
konsullore.
Kthimi efektiv i shtetasve të huaj nënkupton
kthimin e personave të cilëve u është refuzuar hyrja
në kufi ose që kanë një vendim përfundimtar për
t’u kthyer, duke u dhënë përparësi atyre që
paraqesin një rrezik sigurie. Ministria e Brendshme,
nëpërmjet strukturës së Departamentit për Kufirin
dhe Migracionin në Policinë e Shtetit; Ministrisë së
Shëndetësisë dhe Mbrojtjes Sociale, nëpërmjet
Agjencisë Shtetërore për Mbrojtjen dhe Drejtat e
Fëmijës; Ministria për Evropën dhe Punët e
Jashtme nëpërmjet strukturës për çështjet
konsullore, kanë përgjegjësinë kryesore për
hartimin e politikave për kthimin/ripranimin e të
huajve me qëndrim të paligjshëm në Shqipëri, si
dhe për implementimin e instrumenteve juridike
Select target paragraph3
Connect to a paragraph
Connect to an entity
Disable highlights
Add to table of contents