Fletorja Zyrtare
Krimet në fushën e doganave kanë qenë dhe mbeten
tjetër objektiv prioritar i agjencive që operojnë në
kufi. Gjatë periudhës 2014 – 2020, nga strukturat e
Policisë Kufitare në bashkëpunim edhe me
shërbimin doganor, janë evidentuar 328 vepra
penale në fushën e kontrabandës së mallrave.
Qarkullimi i mundshëm i elementeve terroriste dhe
individëve ekstremist të dhunshëm, ndonëse jo shumë i
përhapur, mbetet kërcënim serioz. Eksperienca e
vendeve që kanë qenë objekt i sulmeve terroriste
dhe rasti i një luftëtari të huaj terrorist të kapur në
vendin tonë dhe me pas të ekstraduar, është tregues
i qarkullimit të mundshëm të tyre nëpërmjet vendit
tonë.
Trafikimi dhe mbajtja pa leje e armëve të zjarrit,
ndonëse është reduktuar ndjeshëm, mbetet
kërcënim për sigurinë kufitare dhe rrjedhimisht
edhe për atë kombëtare.
2.2 Sfidat
Në përputhje me konceptin e ri të Menaxhimit
të Integruar të Kufirit të BE-së dhe procedurat e
standardizuara në kufijtë e jashtëm, sfidat me të
cilat përballen vendet anëtare të BE-së, kërkesat për
forcimin e bashkëpunimit operacional në kontrollin
kufitar, nevojën për të përmirësuar analizën e
rreziqeve, si dhe bashkëpunimin ndërministror dhe
ndërkombëtar, është përgatitur Strategjia e
Menaxhimit të Integruar të Kufirit 2021–2027 dhe
plani i veprimit në zbatim të saj, me aktivitete të
identifikuara që kërkohen për të arritur në mënyrë
efektive objektivat e përcaktuara në këtë dokument.
Strategjia dhe plani i veprimit për zbatimin e
Strategjisë pasqyrojnë konceptin e Menaxhimit të
Integruar të Kufirit të BE-së, duke marrë parasysh
statusin aktual të integrimit të Shqipërisë në BE.
Përveç këtij dokumenti strategjik, agjencitë e
zbatimit të ligjit, veçanërisht ato që kanë detyrime
të përcaktuara në këtë dokument, do të
koordinojnë planet e punës duke siguruar përparim
të koordinuar drejt një qëllimi të përbashkët me
rëndësi për anëtarësimin në Bashkimin Evropian
dhe në zonën Schengen.
3. Pozicioni gjeopolitik dhe karakteristikat e
kufirit
Shqipëria është një vend evropian, mesdhetar
dhe ballkanik me lidhje me të gjithë botën përmes
porteve në detin Adriatik e Jon dhe aeroportin e
Tiranës. Shqipëria, gjithashtu, ka zona të caktuara
ujore në detet Adriatik e Jon dhe në liqenin e
Shkodrës, Pogradecit dhe Prespës.
Viti 2021 – Numri 7
Politikisht Shqipëria është vend kandidat për
anëtarësimin në BE, gjeografikisht ndodhet midis
Republikës së Greqisë, shtetit anëtar të BE-së,
vendeve që kanë statusin e vendeve kandidate të
BE-së (Mali i Zi, Maqedonia) dhe Kosovës, vend
që ka nënshkruar Marrëveshjen e stabilizimasocimit me BE-në, gjë e cila i vendos, autoritetet e
shtetit shqiptar para detyrimit për të miratuar
standardet dhe praktikat më të mira të Bashkimit
Evropian në fushën e sigurisë kufitare, për shkak të
marrjes së përgjegjësisë relativisht të shpejtë për
kontrollin e kufijve të jashtëm të Bashkimit
Evropian.
Migracioni, si një proces i vazhdueshëm i
lëvizjes së njerëzve, është në qendër të interesit
politik jo vetëm në Evropë, por në mbarë botën,
pasi Bashkimi Evropian po përballet me presione
të vazhdueshme domethënëse të migracionit.
Shqipëria është një vend i Evropës Juglindore
dhe Mesdheut dhe ndodhet në kryqëzimin midis
Evropës Lindore dhe Perëndimore dhe pjesëve
jugore dhe veriore të kontinentit. Për shkak të
vendndodhjes së saj gjeografike, është një lidhje
natyrore përmes së cilës kalojnë flukse të caktuara
migracioni dhe trafiku. Zhvillimi ekonomik,
nevojat e tregut të punës dhe veçanërisht lidhjet e
transportit që përshkojnë territorin e Shqipërisë
dhe kanë kontribuar në flukset e shumta të
migracionit.
Duke marrë parasysh pozicionin gjeopolitik,
specifikat e kufijve jeshil dhe blu dhe analizën e
rreziqeve, aspektet kryesore të sigurisë së kufijve
kanë të bëjnë me:
Kufiri shtetëror i Republikës së Shqipërisë
shtrihet mbi tokë, det, liqene dhe lumenj dhe
gjatësia e tij është rreth 1094 km (nëse i shtohet dhe
vija bregdetare, gjatësia është 1250 km), si më
poshtë:
- Kufi tokësor 627 km;
- Kufi detar 362 km (përfshirë vijën bregdetare,
472 km);
- Kufi liqenor 73 km;
- Kufi lumor 78 km.
Sipas shteteve gjatësia e kufirit është, si më
poshtë:
- Me Malin e Zi: gjatësia e kufirit është 220 km,
nga të cilat, 126 km tokësor; 22 km detar, 38 km
liqenor, 24km lumor dhe 8 km përrenj;
Faqe|1401
Select target paragraph3
Connect to a paragraph
Connect to an entity
Disable highlights
Add to table of contents