Fletorja Zyrtare autoritetet, përdorim efikas të burimeve njerëzore dhe teknike. Kontrollet e përbashkëta të policisë, doganave duhet të kryhen në të gjitha pikat e kalimit kufitar, me parimin e një ndalesë. Zhvillimi i sistemeve të ndryshme të informacionit të BE-së, të tilla si sistemi evropian i hyrjes/daljes, Sistemi i Informacionit Schengen dhe risitë e tjera të lidhura me IT-n, do të jenë baza për planifikimin e përmirësimit të kontrolleve kufitare. Zhvillimi i mëtejshëm i infrastrukturës në pikat e kalimit kufitar do të sigurojë kontroll më efikas të kufirit dhe funksionim të qetë të transportit të udhëtarëve dhe trafikut të mallrave. Aktualisht, menaxhimi i kufijve të Republikës së Shqipërisë synon arritjen plotësisht të kërkesave të BE-së dhe Schengen-it. Për përmirësimin e situatës në këtë fushë, koncepti i Menaxhimit të Integruar të Kufirit, duhet të monitorohet vazhdimisht, veçanërisht në aplikimin e procedurave, pajisjeve teknike dhe infrastrukturës kufitare, të cilat duhet të jenë në përputhje me standardet Schengen. Ky objektiv synohet të arrihet nëpërmjet përmbushjes së masave të mëposhtme: Masa 1: Vënia në zbatim e sistemit ATS-G të të dhënave të pasagjerit Kjo masë synon sigurimin e një sistemi funksional të shkëmbimit të të dhënave të pasagjerit. Kjo masë do të realizohet nëpërmjet përgatitjes dhe miratimit të Procedurave Standarde të Punës për grumbullimin dhe përpunimin e informacionin paraprak të pasagjerëve dhe trajnimi të personelit të Komisariatit të Policisë Kufitare Rinas për grumbullimin dhe përpunimin e informacionin paraprak të pasagjerëve. Masa 2: Miratimi i rregullores “Për rregullat e mbikëqyrjes së kufijve detare në kuadër të bashkëpunimit operacional të koordinuar midis institucioneve kombëtare dhe Agjencisë Evropiane të Rojës Kufitare dhe Bregdetare (FRONTEX)”. Kjo masë synon të realizojë një përafrim të pjesshëm të legjislacionit kombëtar me rregulloren e Parlamentit dhe Këshillit të Evropës nr. 656/2014. Kjo masë do të realizohet nëpërmjet ngritjes së grupit të përbashkët të punës, hartimit dhe miratimit të rregullores “Për rregullat e mbikëqyrjes së kufijve të jashtëm detarë në kuadër të bashkëpunimit operacional kombëtar e ndërkombëtar”, si dhe nëpërmjet trajnimit të personelit të agjencive të zbatimit të ligjit, për Viti 2021 – Numri 7 zhvillimin e operacioneve të përbashkëta, për kontrollin e kufijve të jashtëm. Masa 3: Miratimi i legjislacionit për ngritjen dhe funksionimin e Qendrës Kombëtare të Menaxhimit të Integruar të Kufirit Kjo masë synon të bëjë përafrim të pjesshëm të legjislacionit kombëtar me rregulloren nr. 1052/2013, e Parlamentit Evropian dhe të Këshillit për ngritjen e Sistemit Evropian të Mbikëqyrjes së Kufirit (Eurosur). Kjo masë do të realizohet nëpërmjet aktiviteteve të mëposhtme: - përgatitja dhe miratimi i vendimit të Këshillit të Ministrave për ngritjen e Qendrës Kombëtare të Menaxhimit të Integruar të Kufirit, - realizimi i projektit dhe ndërtimi i zyrave të nevojshme për funksionimin normal të QKK-së; - plotësimi i strukturës organike të QKK-së dhe QKR-së me personelin e nevojshëm; - ngritja e infrastrukturës për përcjelljen e informacionit të nevojshëm në QKK dhe QKR nga të gjitha sistemet e ngritura dhe ato që do të ngrihen për kontrollin dhe mbikëqyrjen e kufirit; - vendosja e bashkëpunimit operacional me qendrën e FRONTEX-it, qendrat e KK-së të shteteve anëtare të BE-së dhe vendeve të treta; - vendosja e bashkëpunimit operacional me qendrat e Interpol, Europol, SIS/Sirene, oficerët ndërlidhës dhe agjencitë e tjera ndërkombëtare ligjzbatuese në kufi; - miratimi i procedurave standarde të punës së Qendrës Kombëtare të Menaxhimit të Integruar të Kufirit. Masa 4: Forcimi i autonomisë së Policisë Kufitare dhe Migracionit në fushën operacionale dhe menaxheriale Kjo masë do të realizohet nëpërmjet: - ngritjes së strukturës së shërbimeve mbështetëse pranë Departamentit për Kufirin dhe Migracionin; - krijimit të një banke të të dhënave për menaxhimin e burimeve logjistike të shërbimeve për kufirin dhe migracionin. Masa 5: Zhvillimi dhe përmirësimi i Procedurave Standarde të Punës (PSP), përafrimi i tyre me standardet e kufijve Schengen Kjo masë synon rishikimin dhe miratimin e procedurave standarde të punës në përputhje me Kodin Schengen. Faqe|1405

Select target paragraph3

Connect to a paragraph
Connect to an entity
Disable highlights
Add to table of contents