Fletorja Zyrtare mekanizmi i monitorimit të hapësirës detare dhe është rritur goditja e aktivitetit të kundërligjshëm. Gjithashtu është përmirësuar kuadri legjislativ për funksionimin e QNOD-it, me qëllim përsosjen e koordinimit ndërinstitucional për monitorimin e hapësirës detare dhe kryerjen e operacioneve të përbashkëta të zbatimit të ligjit në det. Këto akte ligjore dhe nënligjore janë hartuar duke u bazuar në rekomandimet e BE-së dhe në Standardet Schengen, të parashikuara në Strategjinë për Menaxhimin e Integruar të Kufirit 2014–2020. Procedurat Në fushën e procedurave u zhvilluan dhe u përmirësuan procedurat standarde të punës nga agjencitë e përfshira në MIK. Në përmbushje të objektivave janë miratuar “Procedurat Standarde të Punës” për të gjitha strukturat e Departamentit për Kufirin dhe Migracionin, bazuar me ligjin nr. 71/2016, “Për kontrollin kufitar”, dhe në Manualin Schengen për PKM-n. Këto procedura janë përmirësuar dhe përditësuar me ndryshimet e Kodit Schengen. Gjithashtu, u përmirësuan procedurat doganore për të lehtësuar shkëmbimet tregtare dhe marrjen nga ky shërbim të përgjegjësive në fushën e sigurisë kufitare. Në kuadër të funksionimit të QNOD-it, për koordinimin e punës midis agjencive ligjzbatuese, janë miratuar “Politikat dhe Procedurat e Funksionimit të Qendrës Ndërinstitucionale Operacionale Detare”. Këto procedura janë në zhvillim sipas konceptit dhe detyrimeve që rrjedhin nga iniciativa e Schengenit Ballkanik dhe të rregullores së Agjencisë për Kufirin Evropian dhe Rojën Bregdetare. Bashkëpunimi në përgjithësi dhe bashkëpunimi ndërkombëtar në veçanti është realizuar me partnerët ndërkombëtarë, në përputhje të plotë me standardet e vendeve të BE-së. Aktiviteti i kundërligjshëm identifikohet dhe shkëmbehet me vendet e tjera, duke siguruar veprime të përbashkëta për goditjen e tij. Gjithashtu janë hartuar procedura të përbashkëta për shkëmbimin e informacionit, operacionet dhe hetimet e përbashkëta, janë miratuar procedurat standarde për largimin/dëbimin e shtetasve të huaj me qëndrim të parregullt në Shqipëri, si dhe është krijuar një mekanizëm për kontrollet e kontejnerëve në porte. Viti 2021 – Numri 7 Në qëllimet strategjike për bashkëpunimin ndërmjet agjencive të Policisë Kufitare dhe Migracionit, Shërbimit Doganor Shqiptar, Autoritetit Kombëtar të Ushqimit, Shërbimit Sanitar Antiepidemik dhe agjencive të tjera të përfshira në MIK, është parashikuar ngritja e një Qendre Kombëtare Koordinimi për Menaxhimin e Integruar të Kufirit. Për shkak të mungesës së fondeve, kjo qendër nuk është bërë e mundur të krijohet. Si pasojë nuk është realizuar as nënobjektivi për hartimin e procedurave të punës për mekanizmin e Koordinatorit Kombëtar të MIK dhe as për Qendrën. Nisur nga domosdoshmëria e menaxhimit të integruar të sistemeve teknologjike, të pajisjeve tjera speciale, si dhe të të gjitha shërbimeve të agjencive të përfshira, ky mbetet një ndër objektivat kryesore në Strategjinë e re. Gjithashtu, nuk janë hartuar procedurat e përbashkëta për Qendrën Rajonale të Monitorimit të Hapësirës Detare në bashkëpunim me palët pjesëmarrëse dhe me asistencën ndërkombëtare, sepse nuk është krijuar Qendra për mungesë fondesh. Sa më sipër, miratimi i legjislacionit të ri për kufirin dhe migracionin u ndoq nga miratimi i procedurave të reja standarde të punës në këto fusha, të cilat u përshtaten plotësisht me legjislacionin e ri, si më poshtë: - Urdhri nr. 163, datë 8.2.2018, “Procedura e punës për organizimin, planizimin dhe kryerjen e shërbimit në SPK&M, sipas situatës dhe analizës së riskut”; - Urdhri nr. 164, datë 8.2.2018, “Procedurat e punës për mbikëqyrjen e kufirit”; - Urdhri nr. 165, datë 8.2.2018, “Procedurat e punës për verifikimin kufitar në PKK e PPKK-së”; - Urdhri nr. 166, datë 8.2.2018, “Procedurat e punës për verifikimin e trafikut tokësor, trafikut ajror, detar e liqenor në kufi”; - Urdhri nr. 167, datë 8.2.2018, “Procedura e punës për lehtësimin e verifikimeve kufitare”; - Urdhri nr. 168, datë 8.2.2018, “Procedura standarde për refuzimin e hyrjes në kufi të RSH-së, të shtetasit të huaj”; - Urdhri nr. 169, datë 8.2.2018, “Procedurat standarde të punës për refuzimin e daljes së shtetasve shqiptarë dhe të huaj në kufi”; Faqe|1389

Select target paragraph3

Connect to a paragraph
Connect to an entity
Disable highlights
Add to table of contents