Fletorja Zyrtare Bazuar në Strategjinë e MIK, janë krijuar mekanizma trajnimi të cilat ndjekin ecurinë e trajnimeve të personelit të agjencive të kufirit. Për PKM-në ky aktivitet zhvillohet në bazë të Strategjisë së Trajnimeve, me qëllim përgatitjen për të qenë pjesë e operacioneve për kufijtë e jashtëm, pas pranimit në BE. Në këtë kuadër janë realizuar trajnime me strukturat e tjera të policisë, trajnime mes agjencive ndërkufitare. Trajnimi i personelit të PKM-së bëhet në bazë të 30 kurrikulave të FRONTEX-it, të miratuara dhe të përditësuara me zhvillimet e reja të dokumenteve të BE-së për kufijtë e jashtëm. Në zbatim të programit vjetor zhvillohen trajnime 4mujore për nivelin bazë dhe trajnime të avancuara 1-mujore. Në muajin janar të vitit 2018, është miratuar kurrikula e trajnimit bazë e Policisë Kufitare dhe Migracionit, me shtrirje kohore prej tre muajsh, e cila është në përputhje të plotë me kurrikulën e përbashkët të FRONTEX-it (Common Core Curricula) dhe që është përgatitur në bashkëpunim me ekspertin afatgjatë të projektit PAMECA V, si anëtar i grupit të punës dhe njëkohësisht trajner në këtë trajnim. Rekrutët e rinj të Policisë Kufitare dhe Migracionit i nënshtrohen trajnimit bazë të Policisë Kufitare sipas kësaj kurrikule. Gjithashtu, janë zhvilluar programe trajnimi për agjencitë që operojnë në kufi, të ofruara nga Faqe|1392 Viti 2021 – Numri 7 donatorë ndërkombëtarë si: FRONTEX; DCAF; EXBS; OSCE; IOM, Policia Federale Gjermane; Policia Franceze; Policia Holandeze, etj. Puna e PKM-së, përveç masave parandaluese nëpërmjet kontrolleve, analizave të fenomeneve dhe ndëshkimeve administrative dhe penale, monitorohet edhe nëpërmjet mbikëqyrjes, vëzhgimit e kontrollit me pajisje elektronike dhe sistemit TIMS. Megjithatë, për shkak të zhvillimeve teknologjike dhe procedurale, përditësimi i këtij sistemi mbetet objektiv për t’u përfshirë në Strategjinë e re. Gjatë vitit 2018–2019, janë zhvilluar trajnime 24- 6-javore, të personelit të Policisë Kufitare në Qendrën Stërvitore të Forcës Detare, nën drejtimin e instruktorëve të Rojës Bregdetare. Kurset e zhvilluara kanë qenë të fokusuara në certifikimin e personelit si drejtues i mjeteve detare, përdorimin e sistemeve elektromekanike dhe të komunikimit të anijes, si dhe planifikimit e pjesëmarrjes në një operacion kërkim–shpëtimi (SAR). Gjatë periudhës 2014–2020janë zhvilluar trajnime të ndryshme që kanë adresuar nevojat dhe prioritetet në drejtim të forcimit të kapaciteteve profesionale të shërbimeve për kufirin dhe migracionin. Konkretisht gjatë kësaj periudhe janë zhvilluar 474 trajnime dhe seminare, me pjesëmarrjen e 4690 punonjësve të Policisë Kufitare dhe Migracionit.

Select target paragraph3

Connect to a paragraph
Connect to an entity
Disable highlights
Add to table of contents