Fletorja Zyrtare
Aktualisht është në proces ratifikimi
memorandumi i bashkëpunimit me Qeverinë e
Shteteve të Bashkuara të Amerikë, për instalimin e
sistemit PISCES, fillimisht në 8 pikat më të mëdha
të kalimit kufitar. Ky sistem, ofron grumbullimin
dhe përpunimin e një game më të madhe të
informacionit në Pikat e Kalimit Kufitar, si dhe
verifikimin në kohë reale të identitetit të shtetasve
nëpërmjet gjurmëve papilare.
Megjithatë, gjatë periudhës së kaluar janë hasur
vështirësi për sa i përket instalimit dhe përdorimit
të TIMS-it në disa stacione të Policisë Kufitare dhe
Migracionit, si më poshtë:
- Në DVKM Shkodër, në Stacionin e Policisë
Kufitare Bajzë nuk ka as linjë interneti dhe as
sistem TIMS;
- Në stacionin e Policisë Kufitare Bashkim,
interneti sigurohet me sinjal satelitor, por nuk
funksionon;
- Në DVKM Durrës, në Stacionet e Policisë
Kufitare Spille dhe Divjakë nuk është instaluar
asnjëherë TIMS-i;
- Në DVKM Korçë, TIMS-i nuk është instaluar
asnjë herë në Stacionet e Policisë Kufitare Pustec,
Shtikë dhe Leskovik;
- Në DVKM Vlorë, TIMS-i nuk është i instaluar
në Stacionet e Policisë Kufitare Livadhja, Borsh,
Triport, Hoxhare dhe Dhërmi;
- Në DVKM Kukës, në Stacionet e Policisë
Kufitare Shishtavec dhe PKK Orgjost, interneti
është me sinjal satelitor, por TIMS-i nuk
funksionon. Në këtë rast interneti shërben vetëm
për komunikim me email;
- Në Pikën e Kalimit Kufitar Borje, nuk është
instaluar TIMS-i dhe as nuk ka internet;
- Në Stacionin e Policisë Kufitare Viçisht nuk ka
shërbim internet dhe as TIMS;
- Në Pikën e Përbashkët të Kalimit të Kufirit
Trebisht/Xhepisht, interneti ofrohet me sinjal
satelitor, por nuk funksionon.
Me financim të Bashkimit Evropian është
mundësuar instalimi i sistemit të komunikimit
TETRA për hapësirën detare, i cili aktualisht është
në funksion por ka probleme që duhen zgjidhur në
lidhje me mirëmbajtjen dhe përmirësimin e tij. Për
më tepër, Policisë Kufitare dhe Migracionit, në
shumicën e juridiksionit të saj, i mungon një sistem
i komunikimit me radio, mjaftueshëm efektiv dhe i
sigurt. Oficerët e Patrullës Kufitare janë tepër të
varur nga komunikimi me celularë për të siguruar
Faqe|1394
Viti 2021 – Numri 7
komunikimin “një me një”. Mungesa e sigurisë së
komunikimit dhe informacionit, boshllëqet në
mbulim dhe qëndrueshmëria, kanë krijuar një
numër rreziqesh dhe dobësish operacionale aktuale
dhe potenciale. Një audit i IT-së, në maj 2015, ka
theksuar se ekziston nevoja kritike për të
ripërcaktuar dhe ridizenjuar platformat e vjetruara
të teknologjisë së komunikimit operacional të
shërbimeve në terren.
Në zbatim të detyrimeve që rrjedhin nga MIK,
është realizuar:
- Aksesi i PKM-s në sistemin e regjistrit të
mjeteve të transportit dhe në e-gjoba;
- Janë hartuar dhe miratuar procedura standarde
me synim përmirësimin dhe evidentimin e
migrantëve dhe azilkërkuesve, me qëllim integrimin
e informacionit respektiv dhe lehtësimin e
shkëmbimit të informacionit ndëragjenci dhe
ndërkombëtar;
- Është në proces përpilimi të regjistrit të
përbashkët me Kapitanerinë e Porteve, për
regjistrin detar të mjeteve lundruese.
Monitorimi i hapësirës detare realizohet
nëpërmjet sistemit SIVHD (Sistemi i Integruar i
Vëzhgimit të Hapësirës Detare). Forca Detare
është struktura përgjegjëse për SIVHD.
Në QNOD grumbullohen dhe dokumentohen
të dhënat nga të gjitha institucionet pjesëmarrëse
me interesa në hapësirën detare dhe përgatiten e
zhvillohen analiza risku ndërinstitucionale dy herë
në vit (6-mujore dhe vjetore), sipas modelit
Evropian “Common Integrated Risk Analyses Model”
CIRAM 2.0.
Për mungesë fondesh nuk janë vendosur radarë
në Kepin e Rodonit dhe Gjuzës në përmbushje të
nënobjektivit për përmirësimin e shkëmbimit të
informacionit. Gjithashtu, nuk është realizuar masa
për realizimin e shkëmbimit të informacionit me
vendet e BE-së në kohë reale, duke gjetur
mirëkuptimin e palëve për aksesim të sistemeve,
për shkak të statusit të vendit tonë, vend i tretë, jo
pjesë e BE-së dhe nuk ka akses në databazën e BEsë. Mbetet detyrim dhe objektiv përmirësimi dhe
kompletimi me sisteme të reja të kontrollit, dhe
shkëmbimit të informacionit, si përmirësimi i
sistemit aktual TIMS, implementimi i sistemit
PISCES, implementimi i sistemit PNR/API,
sistemi i radiokomunikimit, etj., për shkak se
pajisjet aktuale nuk mundësojnë, si në sasi dhe në
cilësi, përmbushjen e detyrave.
Select target paragraph3
Connect to a paragraph
Connect to an entity
Disable highlights
Add to table of contents