Fletorja Zyrtare sallës operacionale të QNOD-it, kanë akses edhe në aplikacionin “Lloyd’s informa” për marrjen e të dhënave të trafikut detar, të siguruar dhe financuar nga “Border Force”, Mbretëria e Bashkuar. Gjithashtu është e domosdoshme ngritja e Sistemit të Vëzhgimit të Policisë së Shtetit (PKM) për mbikëqyrjen e hapësirës detare, sistem i cili të jetë burim shtesë informacioni në QNOD, si dhe përcjellja e transmetimit të panoramës së përgjithshme të hapësirës detare në Qendrën Kombëtare të Menaxhimit të Integruar të Kufirit. Në realizim të objektivit për përmirësimin e infrastrukturës për akomodimin e migrantëve dhe azilkërkuesve, në bashkëpunim me agjencitë e përfshira në këtë proces janë hapur Qendra të Përkohshme Pritjeje në Gjirokastër, Kakavijë, Ersekë. Tashmë, në sajë të mbështetjes së ofruar nga organizata dhe institucione partnere, Policia Kufitare dhe Migracionit situata e furnizimit me pajisje ka ndryshuar dukshëm, duke forcuar kapacitetet e kontrollit dhe mbikëqyrjes së kufirit. Mbështetja e EXBS, Policisë Federale Gjermane, IOM, UNHCR dhe Bashkimit Evropian ka mundësuar një flotë të mjeteve të patrullimit dhe transportit thuajse të re, ku përfshihen rreth 70 automjete të kapaciteteve të ndryshme. Për kontrollin dhe mbikëqyrjen e kufirit janë siguruar fibroskopë, videoskopë, kamera termike, dylbi dite dhe dylbi nate me rreze të gjatë, lupa zmadhuese me burime të ndryshme drite, një laborator për ekzaminimin e dokumenteve të udhëtimit, dy sisteme të mbikëqyrjes së kufirit (TVV Vans), një sistem të lëvizshëm të zbulimit të radioaktivitetit (dhuruar nga Departamenti i Energjisë i Shteteve të bashkuara të Amerikës), skaner portativ, pajisje për kontrollin e kamionëve dhe autobusëve, pajisje për kontrollin e dendësisë (baster), 16 mikrobusë, elektrikë dore. Ndërsa me financim nga buxheti i shtetit, janë siguruar lexues optik të dokumenteve të udhëtimit për çdo post pune në Pikat e Kalimit Kufitar. Në kuadër të bashkëpunimit që ka Shërbimi Doganor me Departamentin e Energjisë së Shteteve të Bashkuara dhe IAEA-n për të përmirësuar infrastrukturën për zbulimin bërthamor, për zbulimin dhe parandalimin e trafikut të materialeve të veçanta bërthamore dhe materialeve të tjera radioaktive, janë siguruar 13 polimastera dhe një sistem i lëvizshëm për zbulimin Faqe|1396 Viti 2021 – Numri 7 e radioaktivitetit MDS (Mobile Detection Van). Në PKK, Hani Hotit është në fazën e zbatimit të projektit me IAEA-n, për instalimin e portaleve të monitorimit të radioaktivitetit (RPM). Nga programi i EXBS-së për personelin doganor janë siguruar 5 CT 40 pajisje të kontrollit në vijë të dytë, një “Hazmat 360” dhe 6 identifinder. Ndërkohë, vendimi Këshillit të Ministrave nr. 745, datë 26.10.2016, ”Për kryerjen e verifikimeve të përbashkëta kufitare”, jo vetëm ka forcuar kuadrin e bashkëpunimit institucional të agjencive që operojnë në kufi, por ka parashikuar përdorimin e përbashkët të pajisjeve të kontrollit kufitar. Në vitin 2018, Komisioni Evropian miratoi financimin e projektit “Për forcimin e kapaciteteve të policisë kufitare në luftën kundër trafiqeve të paligjshme”, në shumën 6.000.000 euro, ku parashikohet blerja e mjeteve të lundrimit të kapaciteteve dhe fuqive motorike të ndryshme për mbikëqyrjen e kufirit blu, sisteme të mbikëqyrjes së kufirit (TVV Vans), pajisje të lëvizshme për mbikëqyrjen e kufirit (radarë, kamera termike, dylbi dite dhe nate), si dhe pajisje për verifikimet kufitare në Pikat e kalimit Kufitar. Në muajin korrik të vitit 2019, u përurua përfundimi i punimeve në Pikën e Kalimit Kufitar Morinë, i cili u mundësua me financim nga Bashkimi Evropian prej 1 (një) milion euro. Tashmë PKK Morinë vlerësohet se është në përputhje me standardet e Schengen-it dhe do të ketë efekt përmirësues në menaxhimin e kufijve të Shqipërisë në përputhje me standardet e BE-së. Këtij financimi i është shtuar edhe financimi nga Buxheti i Shtetit, nëpërmjet Drejtorisë së Përgjithshme të Doganave me një fond prej 85.8 milion lekë ose rreth 684 000 euro, për ndërtimin e terminalit të autobusëve, godinës së inspektimit (kontrolli i vijës së dytë), godinës së inceneratorit (për mallrat e ndaluara nga AKU-ja) dhe punime të jashtme duke kompletuar kështu projektin e plotë të Pikës së Kalimi Kufitar. Në muajin gusht të vitit 2019 është inauguruar përfundimi i rikonstruksionit të Pikës së Kalimit Kufitar Hani i Hotit. Rikonstruksioni i kësaj pike kalimi është mundësuar me fondin prej 2.4 milion euro të Bashkimit Evropian, ndërtimi i ndërtesës administrative me financim nga Buxheti i Shtetit, me një fond prej 4.2 milionë lekë. Në kuadër të parandalimit të trafikimit, nëpërmjet proceseve dhe pajisjeve të përmirësuara,

Select target paragraph3

Connect to a paragraph
Connect to an entity
Disable highlights
Add to table of contents