Introduzzjoni Id-Direttiva (UE) 2016/1148 dwar is-sigurtà tan-netwerks u tas-sistemi tal-informazzjoni madwar l-Unjoni1 (minn hawn ’il quddiem imsejħa “id-Direttiva NIS” jew “id-Direttiva”) adottata fis-6 ta’ Lulju 2016 hi l-ewwel leġiżlazzjoni orizzontali tal-UE li tindirizza l-isfidi taċ-ċibersigurtà u hi trasformazzjoni ġenwina fir-reżiljenza u l-koperazzjoni fl-Ewropa filqasam taċ-ċibersigurtà. It-tliet għanijiet ewlenin tad-Direttiva huma li:  Ittejjeb il-kapaċitajiet taċ-ċibersigurtà nazzjonali;  Tibni koperazzjoni fil-livell tal-UE; u  Tippromwovi kultura ta’ ġestjoni tar-riskji u rappurtar tal-inċidenti fost l-atturi ekonomiċi ewlenin, l-aktar fost l-operaturi li jipprovdu servizzi essenzjali (OES) għallmanteniment ta’ attivitajiet ekonomiċi u soċjetali u l-Fornituri tas-Servizzi Diġitali (idDSPs). Id-Direttiva NIS hi pedament tar-rispons tal-UE għat-theddid u l-isfidi ċibernetiċi dejjem jikbru li ġġib magħha d-diġitalizzazzjoni tal-ħajja ekonomija u soċjetali tagħna, u għaldaqstant l-implimentazzjoni tagħha hi parti essenzjali mill-pakkett taċ-ċibersigurtà ppreżentat fit-13 ta’ Settembru 2017. L-effikaċja ta’ dan ir-rispons tal-UE tkun dgħajfa jekk id-Direttiva NIS ma tkunx trasposta bis-sħiħ fl-Istati Membri kollha tal-UE. Dan jitqies bħala punt kritiku fil-Komunikazzjoni tal-2016 tal-Kummissjoni dwar it-Tisħiħ tas-Sistema Ewropea tar-Reżiljenza Ċibernetika2. In-novità d-Direttiva NIS u l-urġenza li jiġi indirizzat ix-xenarju li tant qed jevolvi tat-theddid ċibernetiku jeżiġuna nagħtu ċertu attenzjoni partikolari lill-isfidi li jkollhom l-atturi kollha biex jiżguraw li t-traspożizzjoni tad-Direttiva tkun effikaċi u ssir fil-ħin. Peress li ttraspożizzjoni għandha ssir sad-9 ta’ Mejju 2018 u l-operaturi tas-servizzi essenzjali għandhom jiġu identifikati sad-9 ta’ Novembru 2018, il-Kummissjoni qed tappoġġa l-proċess tat-traspożizzjoni fl-Istati Membri u l-ħidma tagħhom fil-Grupp ta’ Koperazzjoni għal dan ilgħan. Din il-Komunikazzjoni u l-Anness tagħha huma bbażati fuq il-ħidma preparatorja talKummissjoni u analiżi relatata mal-implimentazzjoni s’issa tad-Direttiva NIS, fuq l-input talAġenzija tal-Unjoni Ewropea dwar is-Sigurtà tan-Netwerks u l-Informazzjoni (l-ENISA) u fuq id-diskussjonijiet li saru mal-Istati Membri fil-fażi tat-traspożizzjoni tad-Direttiva, notevolment fi ħdan il-Grupp ta’ Koperazzjoni3. Din il-Komunikazzjoni tikkumplimenta lisforzi konsiderevoli li saru s’issa, l-aktar permezz ta’: Id-Direttiva (UE) 2016/1148 tal-Parlament Ewropew u tal-Kunsill tas-6 ta’ Lulju 2016 dwar miżuri għal livell għoli komuni ta’ sigurtà tan-netwerks u tas-sistemi tal-informazzjoni madwar l-Unjoni. Id-Direttiva daħlet fisseħħ fit-8 ta’ Awwissu 2016. 2 COM(2016) 410 final. 3 Mekkaniżmu għal koperazzjoni strateġika bejn l-Istati Membri skont l-Artikolu 11 tad-Direttiva NIS. 1 2

Select target paragraph3

Connect to a paragraph
Connect to an entity
Disable highlights
Add to table of contents