 Il-ħidma intensiva tal-Grupp ta’ Koperazzjoni, li sab ftehim fuq pjan ta’ ħidma ffukat l-aktar fuq it-traspożizzjoni tad-Direttiva NIS, u b’mod partikolari fuq il-kwistjoni talidentifikazzjoni tal-operaturi tas-servizzi essenzjali u l-obbligi tagħhom fejn jidħlu rrekwiżiti tas-sigurtà u n-notifiki tal-inċidenti. Filwaqt li d-Direttiva tipprevedi diskrezzjoni fit-traspożizzjoni tad-dispożizzjonijiet relatati mal-operaturi tas-servizzi essenzjali, l-Istati Membri għarfu l-importanza ta’ approċċ armonizzat f’dan irrigward4.  It-twaqqif u t-tħaddim malajr tan-Netwerk ta’ Skwadri tar-Rispons għal Inċidenti relatati mas-Sigurtà tal-Kompjuters (CSIRTs) skont l-Artikolu 12(1) tad-Direttiva. Minn dak iż-żmien ’l hawn, dan in-Netwerk beda jifrex il-pedamenti għal koperazzjoni operazzjonali strutturata fil-livell Ewropew. Għal-livell ta’ politika u għal-livell operazzjonali li qed jirrappreżentaw dawn iż-żewġ strutturi, hemm bżonn l-impenn sħiħ tal-Istati Membri kollha biex jintlaħaq l-għan ta’ livell għoli komuni ta’ sigurtà tan-netwerks u tas-sistemi tal-informazzjoni fl-Unjoni. Din il-Komunikazzjoni u l-Anness tagħha se jsaħħu dawn l-isforzi għax se jiġbru u jqabblu laqwa prattiki tal-Istati Membri li huma rilevanti għall-implimentazzjoni tad-Direttiva, billi jipprovdu aktar gwida dwar il-mod kif għandha tiġi implimentata d-Direttiva u jagħtu spjegazzjonijiet aktar dettaljati dwar ċertu dispożizzjonijiet speċifiċi. L-għan ġenerali hu jingħata appoġġ lill-Istati Membri ħalli l-implimentazzjoni tad-Direttiva NIS madwar l-UE tkun effettiva u armonizzata. Din il-Komunikazzjoni se tiġi kkumplimentata iżjed bir-Regolament ta’ Implimentazzjoni talKummissjoni li se joħroġ dwar speċifikazzjoni ulterjuri tal-elementi u l-parametri relatati marrekwiżiti tas-sigurtà u tan-notifika tal-inċidenti għal fornituri tas-servizzi diġitali, skont lArtikolu 16(8) tad-Direttiva NIS. Ir-Regolament ta’ Implimentazzjoni se jiffaċilita limplimentazzjoni tad-Direttiva fejn jidħlu l-obbligi tal-fornituri tas-servizzi diġitali5. Din il-Komunikazzjoni tippreżenta l-konklużjonijiet ewlenin tal-analiżi tal-kwistjonijiet meqjusin bħala punti ta’ referenza importanti u ispirazzjoni potenzjali mil-lat ta’ traspożizzjoni fil-liġi nazzjonali. Hawnhekk, l-enfasi ewlenija qed issir fuq iddispożizzjonijiet relatati mal-kapaċitajiet tal-Istati Membri u mal-obbligi tal-entitajiet li qegħdin fil-kamp ta’ applikazzjoni tad-Direttiva. L-Anness jipprovdi eżami aktar dettaljat taloqsma li l-Kummissjoni tqis li hu ferm importanti li jingħataw gwidi prattiċi dwar ittraspożizzjoni li jkun fihom spjegazzjoni u l-interpretazzjoni tagħha ta’ ċertu dispożizzjonijiet tad-Direttiva, u bi preżentazzjoni tal-aqwa prattiki u tal-esperjenza miksuba s’issa b’din idDirettiva. Bħalissa, il-Grupp ta’ Koperazzjoni qed jaħdem fuq dokumenti gwida ta’ referenza li fost l-oħrajn jikkonċernaw: il-kriterji li jiddefinixxu l-kritikalità ta’ operatur skont l-Artikolu 5(2) tad-Direttiva; iċ-ċirkostanzi meta l-operaturi tas-servizzi essenzjali jeħtieġ jinnotifikaw l-inċidenti skont l-Artikolu 14(7) tad-Direttiva; u rrekwiżiti tas-sigurtà għall-operaturi tas-servizzi essenzjali, b’mod konformi mal-Artikoli 14(1) u 14(2). 5 L-abbozz tar-Regolament ta’ Implimentazzjoni qiegħed għall-konsultazzjoni pubblika fuq https://ec.europa.eu/info/law/better-regulation/have-your-say_mt 4 3

Select target paragraph3

Connect to a paragraph
Connect to an entity
Disable highlights
Add to table of contents