Fletorja Zyrtare PJESA I: KONTEKSTI STRATEGJIK 1. Hyrja dhe qëllimi i dokumentit Anëtarësimi në Bashkimin Evropian (BE) është orientimi strategjik dhe prioritet i deklaruar për Republikën e Shqipërisë, i cili nënkupton përqafimin e vlerave dhe standardeve evropiane të miratuara në të gjitha fushat politike, publike, sociale e më gjerë. Qarkullimi i lirë i personave dhe mallrave ndërmjet vendeve anëtare të BE-së kërkon përafrimin dhe aplikimin e masave të caktuara, ndër të tjera, arritjen e standardeve të larta të kontrollit të kufijve të jashtëm. Duke marrë në konsideratë faktin se, Republika e Shqipërisë ndodhet në kufijtë e jashtëm të BE-së, si dhe anëtarësimin e pritshëm në BE të vendeve të tjera fqinje, për vendin tonë ka një rëndësi të madhe prezantimi dhe zbatimi në vazhdimësi i konceptit të menaxhimit të integruar të kufijve, i cili duhet të jetë në përputhje me zgjidhjet aktuale në rajon dhe BE. Miratimi i Strategjisë së Menaxhimit të Integruar të Kufirit, këtu e më tej të quajtur Strategjia, përbën jo vetëm një parakusht për integrimin e plotë në BE, por zbatimi i këtij koncepti bashkëkohor është, njëkohësisht, një tregues i qartë se Republika e Shqipërisë është e gatshme të kontribuojë për sigurinë në rajon, si një partner i besueshëm i Bashkimit Evropian në kontrollin e kufijve të saj. Republika e Shqipërisë, nëpërmjet miratimit të këtij dokumenti strategjik, si dhe të gjitha investimeve në këtë drejtim, ka si qëllim arritjen e standardeve të BE-së në fushën e Menaxhimit të Integruar të Kufirit. Arritja e këtyre standardeve ofron siguri për qytetarët shqiptarë dhe të huaj për lëvizjen e lirë dhe të sigurt, si dhe për zhvillimin e aktiviteteve ekonomike dhe ndërkufitare pa barriera. Ky dokument strategjik bazohet në Strategjinë Kombëtare për Zhvillim dhe Integrim dhe në reformat aktuale në vendin tonë, në Strategjinë Evropiane Teknike dhe Operacionale të Menaxhimit të Integruar të Kufirit68, në udhëzimet e Komisionit Evropian për Menaxhimin e Viti 2021 – Numri 7 Integruar të Kufirit69, katalogun Schengen, legjislacionin komunitar në fushën e kufijve të jashtëm, konventat ndërkombëtare të nënshkruara në fushën e mbrojtjes së të drejtave të njeriut, të drejtat e azilkërkuesve dhe ato të refugjatëve, si dhe në praktikat më të mira nga vendet anëtare të Bashkimit Evropian dhe të rajonit. Menaxhimi i Integruari Kufirit dhe siguria kufitare përbën një angazhim të veçantë në raport me legjislacionin në fuqi, situatën politike dhe sigurinë kombëtare të vendit, si dhe me marrëdhëniet ndërkombëtare, veçanërisht në procesin e anëtarësimit në Bashkimin Evropian, si dhe në organizma të tjera ndërkombëtare. Menaxhimi i Integruar i Kufirit (MIK) synon të garantojë një qarkullim ndërkufitar në mënyrë efikase dhe adresimin e sfidave migratore, kërcënimeve të mundshme ndaj sigurisë kufitare, duke kontribuar në: - parandalimin dhe goditjen e krimeve të rënda me dimension ndërkufitar siç janë: trafiqet e paligjshme, kontrabandimi i migrantëve, trafikimi i qenieve njerëzore, terrorizmi, kontrabanda; - parandalimin e krimeve mjedisore; - parandalimin, zbulimin dhe reagimin ndaj kërcënimeve ndërkufitare në fushën shëndetësore; - garantimin e një niveli të lartë të sigurisë së brendshme duke kontribuar në këtë mënyrë në stabilitetin e vendeve fqinje dhe të vendeve të tjera; - respektimin e plotë të të drejtave themelore të qytetarëve. Strategjia ka për qëllim të përcaktojë politikat e duhura për të përmirësuar më tej: - standardet e sigurisë kufitare, nëpërmjet përmirësimit të mëtejshëm të kuadrit ligjor dhe rregullator me synim përafrimin me acquis communitaire; - kapacitetet e analizës së riskut; - kapacitetet e reja dhe përmirësimin e mëtejshëm të kapaciteteve teknologjike të kontrollit dhe mbikëqyrjes së kufirit; - forcimin e mëtejshëm të burimeve njerëzore dhe kapaciteteve operacionale e profesionale të autoriteteve kompetente dhe agjencive që operojnë në kufi, me qëllim parandalimin dhe goditjen e krimit ndërkufitar; 68 Technical and Operational Strategy forEuropean IntegratedBorder Management, miratuar me vendimin nr. 2/2019 të Bordit të Menaxhimit të Agjencinë Evropiane të Rojës Kufitare dhe Bregdetare (FRONTEX). Faqe|1382 69 Guidelines for Integrated BorderManagement EuropeanCommission External Cooperation, November 2010. in

Select target paragraph3

Connect to a paragraph
Connect to an entity
Disable highlights
Add to table of contents