GOVERNMENT GAZETTE, 28 NOVEMBER 2019
No. 42866 49
Ino 8 ka 2019
nguMthetho Wokukhuselwa Kweziseko Ezibalulekileyo Ezingundoqo, ka-2019
49
(g) owonakalisa, obek’ engozini, okanye ophazamisa iziseko ezibalulekileyo
ezingundoqo okanye osongela ukhuseleko lwazo okanye inxalenye yazo;
(h) osongela ukonakalisa iziseko ezibalulekileyo ezingundoqo; okanye
(i) owakh’ iyelenqe nomnye umntu okanye ancedise omnye ekwenzeni isenzo
ekuthethwe ngaso kwisiqendu (a) ukuya ku-(h),
waphul’ umthetho kwaye, ngokulawulwa sisiqendwana (3) nesesi-(4), uya kuthi
akufunyaniswa enetyala agwetywe ifayini okanye ukuvalelwa entolongweni ixesha
elingagqithiyo kwiminyaka emithathu, okanye agwetywe kokubini ifayini nokuvalelwa
entolongweni.
(2) Malunga nesiqendwana (1)(a) nesiqendwana (1)(b), elithi ‘‘amanyathelo
okhuseleko’’ lithetha loo manyathelo okhuseleko kwiziseko ezibalulekileyo
ezingundoqo angabonakaliyo ngokucacileyo kuluntu okanye esidlangalaleni.
(3) Ukuba ubungqina kwisimangalo esikwisiqendwana (1)(a) ukuya ku-(i) bubonisa
ukuba isenzo esenziweyo senziwe ngenjongo yokubangela umonakalo okanye
umonakalo omkhulu kwiziseko ezibalulekileyo ezingundoqo, inkundla inokuthi, ukuba
ziziseko ezibalulekileyo ezingundoqo ezibekwe kudidi—
(a) lobungozi obuphantsi, igwebe ifayini okanye ukuvalelwa entolongweni
ixesha elingagqithiyo kwiminyaka emithathu okanye kokubini ifayini
nokuvalelwa entolongweni;
(b) lobungozi obuphakathi, igwebe ifayini okanye ukuvalelwa entolongweni
ixesha elingagqithiyo kwiminyaka emihlanu okanye kokubini ifayini
nokuvalelwa entolongweni; okanye
(c) lobungozi obuphezulu, igwebe ifayini okanye ukuvalelwa entolongweni
ixesha elingagqithiyo kwiminyaka esixhenxe okanye kokubini ifayini
nokuvalelwa entolongweni.
(4) Ukuba ubungqina kwisimangalo esikwisiqendwana (1)(a) ukuya ku-(i) bubonisa
ukuba isenzo esenziweyo okunene siwubangele umonakalo okanye ukulahlekelwa
yimpahla kweziseko ezibalulekileyo ezingundoqo, inkundla inokuthi, ukuba ziziseko
ezibalulekileyo ezingundoqo ezibekwe kudidi—
(a) lobungozi obuphantsi, igwebe ifayini okanye ukuvalelwa entolongweni
ixesha elingagqithiyo kwiminyaka eli-10 okanye kokubini ifayini
nokuvalelwa entolongweni;
(b) lobungozi obuphakathi, igwebe ifayini okanye ukuvalelwa entolongweni
ixesha elingagqithiyo kwiminyaka eli-15 okanye kokubini ifayini
nokuvalelwa entolongweni;
(c) lobungozi obuphezulu, igwebe ifayini okanye ukuvalelwa entolongweni
ixesha elingagqithiyo kwiminyaka engama-20 okanye kokubini ifayini
nokuvalelwa entolongweni.
(5) Nawuphi na umntu ophetheyo kwiziseko ezibalulekileyo ezingundoqo othi—
(a) esazi anike ingcombolo ebubuxoki okanye engachananga kwisicelo
sokubhengezwa kweziseko njengeziseko ezibalulekileyo ezingundoqo;
(b) ale okanye oyisakale ukwenza okufunwa sisaziso esikhutshwe
ngokwesiqendu 11(3) okanye 11(4);
(c) ale okanye oyisakale ukuthabatha amanyathelo axelwe kwisaziso esixelwe
kwisiqendu 20(2);
(d) ale okanye oyisakale ukuthabatha amanyathelo axelwe kwisaziso esixelwe
kwisiqendu 20(2) lingekapheli ixesha elixelwe kwisaziso;
(e) ale okanye oyisakale ukwenza okufunwa sisiqendu 24(8) kwiimeko apho
ukwenza okufunekayo bekungeke kulubek’ emngciphekweni kakhulu
ukhuseleko kwiziseko ezibalulekileyo ezingundoqo; okanye othi
(f) ale okanye oyisakale ukwenza okufunwa sisiqendu 25(8),
waphul’ umthetho kwaye esakufunyaniswa enetyala uya kugwetywa ifayini okanye
ukuvalelwa entolongweni ixesha elingagqithiyo kwiminyaka emihlanu okanye
agwetywe kokubini ifayini nokuvalelwa entlongweni, okanye xa kuyinkampani
eyaphule umthetho njengoko kuxelwe kwisiqendu 332 seCriminal Procedure Act 51
ka-1977, kube yifayini engagqithiyo kwizigidi ezili-R10.
(6) Nanini na xa inkundla ifumanisa umntu enetyala ngesenzo esikukona
esingokwalo Mthetho apho kuye kwabangelwa umonakalo okanye ukulahlekelwa
yimpahla, umtshutshisi makaxelele umntu ophetheyo kwezo ziseko zibalulekileyo oko
kutshiwo sisiqendu 300 seCriminal Procedure Act 51 ka-1977, aze azise inkundla.
This gazette is also available free online at www.gpwonline.co.za
5
10
15
20
25
30
35
40
45
50
55
60
Select target paragraph3
Connect to a paragraph
Connect to an entity
Disable highlights
Add to table of contents