GOVERNMENT GAZETTE, 28 NOVEMBER 2019
No. 42866 45
Ino 8 ka 2019
nguMthetho Wokukhuselwa Kweziseko Ezibalulekileyo Ezingundoqo, ka-2019
45
(8) Umntu ophetheyo kwiziseko ezibalulekileyo ezingundoqo makathi kangangoko
kunokwenzeka acande imida, anamathisele nesaziso kwindawo ezikuyo iziseko
ezibalulekileyo ezingundoqo, ukuze bazi abantu ukuba loo ndawo ibhengezwe
njengendawo yeziseko ezibalulekileyo ezingundoqo, ekwenza oko ngendlela
emiselweyo.
(9) Umntu owabelwe imisebenzi ngokwesi Sahluko makawasebenzise amagunya,
ayenze nemisebenzi ngokulawulwa nguMgaqo-siseko kwaye ewahlonela amalungelo
asisiseko omntu ngamnye.
5
Ukufikelela kwiziseko ezibalulekileyo ezingundoqo
25. (1) Ngokulawulwa sisiqendu 24, umntu ophetheyo kwiziseko ezibalulekileyo
ezingundoqo—
(a) makathabathe amanyathelo ahambisanayo nomthetho awabona eyimfuneko
ukukhusela iziseko ezibalulekileyo ezingundoqo kunye nezinto ezingaphakathi apho, namanyathelo okukhusela abantu abakhoyo apho;
(b) makakhuphe isaziso ngendlela emiselweyo esithi kunokungenwa kwiziseko
ezibalulekileyo ezingundoqo kuphela ngendlela exelwe kwisiqendwana (2),
esithi abantu okanye iinqwelo-mafutha zisengasetshwa xa zingena okanye
ziphuma apho ngokwesiqendwana (5); kwaye
(c) makaqinisekise ukuba isaziso esixelwe kwisiqendu (b) sibekwa ekungeneni
kwezo ziseko ezibalulekileyo ezingundoqo.
(2) (a) Akukho mntu ovumelekileyo engenayo imvume yemaneja yokhuseleko
okanye engenayo imvume yabasebenzi abasebenza phantsi kwemaneja yokhuseleko
ukuba angene kwindawo yeziseko ezibalulekileyo ezingundoqo ekukhutshwe umyalelo
ngazo ngokwesiqendwana (1)(b).
(b) Ngenjongo yokunika imvume, imaneja yokhuseleko okanye abasebenzi
bokhuseleko abaphantsi kwemaneja yokhuseleko banokufuna ukuba umnntu—
(i) axele igama lakhe nedilesi kwakunye nenye ingcombolo efanelekileyo efunwa
ngumntu ogunyaziweyo;
(ii) avelise ubungqina bokuba ungubani;
(iii) axele ukuba unaso kusini na isixhobo esiyingozi;
(iv) axele ukuba kukho ntoni kwinqwelo-mafutha yakhe, kwisutikheyisi,
kwingxowa, kwingxowana yamanenekazi, kwifayile, kwimvulophu, kwipasela
okanye kuyo nayiphi na enye into ekuye, kwaye avezele imaneja yokhuseleko
okungaphakathi;
(v) avume ukuba asetshwe okanye nantoni na ekuye isetshwe ngesixhobo esiyielektroniki ukuze kuqondakale ukuba ikho kusini na into enobungozi okanye
engavumelekanga kuye; kwaye
(vi) ngokulawulwa sisiqendwana (6), asetshwe yimaneja yokhuseleko okanye
ngabasebenzi bokhuseleko abasebenza phantsi kwayo.
(3) Xa imaneja yokhuseleko okanye abasebenzi abasebenza phantsi kwayo bemnika
imvume umntu ngokwesiqendwana (2), umntu lowo unokuhi angene, kodwa phantsi
kwemiqathango ethile—
(a) yokuba ahlale ebuthe qhiwu ubungqina bokuba uyinikiwe imvume;
(b) yezithintelo ezimayela nabantu anokuthi adibane nabo ngoxa elapho
ngaphakathi kwindawo yeziseko ezibalulekileyo ezingundoqo;
(c) yezithintelo zokungena kwiindawo ezithile apho kwiziseko ezibalulekileyo
ezingundoqo;
(d) yobude bexesha lobukho bakhe kwiziseko ezibalulekileyo ezingundoqo;
(e) yokuphelekwa xa ehamba-hamba kwiziseko ezibalulekileyo ezingundoqo;
kunye
(f) nezinye iimfuneko enokuthi imaneja yokhuseleko okanye abasebenzi
bokhuseleko bazibone ziyimfuneko.
(4) Kungengakuba kuyaphambukwa koko kutshiwo yiTrespass Act 6 ka-1959,
imaneja yokhuseleko okanye abasebenzi bokhuseleko beyalelwa yimaneja yokhuseleko
banokuthi, nangaliphi na ixesha, bamsuse umntu kwindawo yeziseko ezibalulekileyo
ezingundoqo ukuba—
(a) loo mntu ungena kwiziseko ezibalulekileyo ezingundoqo okanye
kwinxalenye yazo, engenayo imvume efunekayo exelwe kwisiqendwana (2);
(b) loo mntu uyala okanye uyoyisakala ukuthobela umqathango oxelwe
kwisiqendwana (3); okanye
This gazette is also available free online at www.gpwonline.co.za
10
15
20
25
30
35
40
45
50
55
60
Select target paragraph3
Connect to a paragraph
Connect to an entity
Disable highlights
Add to table of contents