Kodi Penal Viti 2014 “Strehimi, shoqërimi, vënia në dispozicion ose përdorimi i mjeteve të lundrimit, të fluturimit ose i mjeteve të tjera të transportit apo çdo ndihmë tjetër, me qëllim kalimin e paligjshëm të kufirit të Republikës së Shqipërisë ose për hyrjen e paligjshme të një personi në një shtet tjetër, pa qenë shtetas i tij ose që nuk ka leje qëndrimi në atë shtet, përbën vepër penale dhe dënohet me burgim nga një deri në katër vjet dhe me gjobë nga tre milionë lekë deri në gjashtë milionë lekë.”. Neni 28 Në paragrafin e dytë të nenit 302, pas fjalës “nenet” shtohen: 73, 74, 75, 79, 219, 220, 221, 230, 230/a, 230/b, 231, 232, 232/a. Neni 29 Pas nenit 305 shtohen nenet 305/a e 305/b me këtë përmbajtje: Neni 305/a Deklaratat e rreme përpara prokurorit Kushdo që, gjatë hetimeve apo procedimeve penale, i pyetur nga një prokuror që të japë informacionin e duhur lidhur me hetimin, jep të dhëna, me gojë ose me shkrim, që ai e di se janë, tërësisht ose pjesërisht, të rreme apo fsheh fakte ose prova, dënohet me gjobë ose me burgim deri në një vit. Dispozitat e këtij neni nuk janë të zbatueshme në rast se akti është kryer në çdo fazë të procedimit penal nga një person i dyshuar ose i pandehur për veprën penale ose nga dikush, që duhej të ishte përjashtuar nga kërkesa për informacion apo për të dëshmuar, për çdo arsye të ligjshme, ose që nuk ishte paralajmëruar për të drejtën për të mos dëshmuar apo për t’iu përgjigjur pyetjeve. Neni 305/b Deklaratat e rreme përpara oficerit të policisë gjyqësore Kushdo që, gjatë hetimit, i pyetur nga një oficer i policisë gjyqësore që të japë informacionin e duhur, jep të dhëna, me gojë ose me shkrim, që ai i di se janë, tërësisht ose pjesërisht, të rreme apo fsheh fakte ose prova, përbën kundërvajtje penale dhe dënohet me gjobë ose me burgim deri në gjashtë muaj. Dispozitat e këtij neni nuk janë të zbatueshme në rast se akti është kryer në çdo fazë të procedimit penal nga një person i dyshuar ose i pandehur për veprën penale ose nga dikush, që duhej të ishte përjashtuar nga kërkesa për informacion apo për të dëshmuar, për çdo arsye të ligjshme, ose që nuk ishte paralajmëruar për të drejtën për të mos dëshmuar apo për t’iu përgjigjur pyetjeve.”. Neni 30 Në nenin 306, në paragrafin e tretë fjalët “nga një deri në katër vjet” zëvendësohen me fjalët “nga dy deri në gjashtë vjet”. Neni 31 Në nenin 307 bëhen këto ndryshime: 1. Në paragrafin e dytë, fjalët “me gjobë ose me burgim deri në tre vjet” zëvendësohen me fjalët “me burgim nga një deri në katër vjet”. 2. Në fund të nenit shtohet një paragraf me këtë përmbajtje: Faqe|246

Select target paragraph3

Connect to a paragraph
Connect to an entity
Disable highlights
Add to table of contents