Kodi Penal
Viti 2014
LIGJ
Nr.8279, datë 15.1.1998
PËR DISA NDRYSHIME DHE SHTESA NË LIGJIN NR.7895, DATË 27.1.1995 “PËR
KODIN PENAL TË REPUBLIKËS SË SHQIPËRISË”
Në mbështetje të nenit 16 të ligjit nr.7491, datë 29.4.1991 "Për dispozitat kryesore kushtetuese”, me
propozim të deputetit Fehmi Abdiu,
KUVENDI POPULLOR
I REPUBLIKES SE SHQIPËRISE
VENDOSI:
Neni 1
Shfuqizohet në tërësi ligji nr.8175, datë 23.12.1996 “Për disa ndryshime në ligjin nr.7895, datë
27.1.1995 “Kodin Penal i Republikës së Shqipërisë”".
Neni 2
Në ligjin nr. 7895, datë 27.1.1995 “Për Kodin Penal të Republikës së Shqipërisë” bëhen ndryshimet
dhe shtesat e mëposhtme:
a) Neni 109 ndryshohet si vijon:
"Rrëmbimi i personit
Rrëmbimi ose mbajtja peng i personit i bërë me qëllim për të fituar pasuri ose për të siguruar çdo lloj
përfitimi tjetër, dënohet me burgim nga 10 deri në 20 vjet.
Rrëmbimi ose mbajtja peng i fëmijës nën moshën 14 vjeç, fshehja ose zëvendësimi me një tjetër,
dënohet jo me pak se 20 vjet ose me burgim të përjetshëm a me vdekje”.
b) Titulli i nenit 114 ndryshohet në “Shfrytëzimi i Prostitucionit”; shfuqizohet paragrafi i tij i dytë
dhe shtohet neni 114 a) me këtë përmbajtje:
"Shfrytëzimi i prostitucionit në rrethana rënduese
Shfrytëzimi i prostitucionit i kryer:
1. me të mitur;
2. ndaj disa personave;
3. me persona me të cilët ekzistojnë lidhje të afërta gjinie, krushqie, kujdestarie ose duke përfituar
nga raportet zyrtare;
4. me mashtrim, shtrëngim, dhunë ose duke përfituar nga paaftësia fizike ose mendore e personit;
5. ndaj një personi që shtyhet ose shtrëngohet për të ushtruar prostitucion jashtë territorit të
Republikës së Shqipërisë;
6. nga organizata kriminale
dënohet nga 7 deri në 15 vjet burgim dhe me konfiskim të mjeteve dhe përfitimeve”.
c) Pas nenit 170, shtohet neni 170 a) me këtë përmbajtje:
"Punësimi i paligjshëm
Punësimi pa regjistrim në organet kompetente ose pa garantuar sigurimin e të punësuarit sipas
rregullave, kur është dhënë me parë masë administrative, dënohet me gjobë deri në 10 mijë lekë për çdo
rast ose me burgim deri në 1 vit.
Moskryerja me dashje ose mbulimi i shkeljeve lidhur me punësimin dhe sigurimin social nga persona
të ngarkuar me zbatimin dhe kontrollin e dispozitave përkatëse, dënohet me gjobë deri në 100 mijë lekë
ose me burgim deri në 2 vjet.”
ç) Pas nenit 181, të shtohet neni 181 a) me këtë përmbajtje:
"Moskryerja e detyrave nga organet tatimore
Faqe|190
Select target paragraph3
Connect to a paragraph
Connect to an entity
Disable highlights
Add to table of contents